「唔想輸得咁肉酸，無打出香港精神咁放棄🤺」(圖:港協暨奧委會)
「大家需要唔好放棄，要堅持，就算遇到好多挫折都好，毋忘初心，就算面對不如意，都要堅持到底」(圖:路透社)
今屆巴黎奧運，港隊合共派出35名運動員參賽，最終奪得兩金兩銅。
過去兩星期，透過電視直播見証港隊成員由小組賽一直殺入十六強、八強…甚至打入決賽衝金，身為香港人，自然看得熱血沸騰。 而更難忘的，是一眾 (不論奪牌定落敗) 香港運動員台下一分鐘的賽後感言，值得我們好好細嚼和輯錄。
女子個人重劍金牌得主江旻憓 (雙膝十字韌帶斷裂並曾兩度接受手術)：「我終於無輸啦！次次都輸，我終於有贏。我唔想輸得咁肉酸，無打出呢個香港精神咁放棄。」 (「未到最後一刻都未分勝負」，這句話正好體現在「微笑劍后」江旻憓身上。她在花劍決賽第二局一度落後1：7下，仍能在第三局扳平12:12，最終憑「決一劍」絕殺法國東道主劍手勇奪金牌。)
男子花劍金牌得主張家朗：「我哋好小嘅地方，都可以做到好多唔同嘅嘢。」
女子100及200米自由泳銅牌得主何詩蓓：「獎牌與否，我覺得最重要都係，我知道我付出左最大嘅努力，同埋我好享受成個準備同埋成個比賽嘅過程…多謝自己一路相信自己，Believe in yourself。」
女子花劍代表陳諾思 (16強止步)：「自己做得最好嘅嘢，係可以享受呢個咁靚舞台…臨尾已經輸緊好多，知道追唔到，都有享受同試吓唔同嘅嘢，努力打好呢劍就OK。」
男子重劍代表何瑋桁 (32強止步)：「其實我自己都知道，我嘅對手我係唔夠打嘅，但我真係好想贏。」
香港柔道代表王嘉莉 (32強止步)：「參賽固然開心，但仍然想嬴…當最後一場咁打，嚟到呢步冇得退。」
男子賽艇單人雙槳趙顯臻 (半準決賽止步)：「一開始係有少少落後，但係唔想令佢地(屋企人)失望，後尾都有發奮去追，最後都追到，所以好開心。」
女子羽毛球雙打組合楊雅婷／楊霈霖 (「雙楊配」，小組賽止步)：「我地冇因為對手嘅排名而卻步。就算落後好多分嘅時候，我地都完全冇放棄嘅心態，一分一分咁頂上去。 」
羽毛球混雙組合鄧俊文/謝影雪(「鄧謝配」，八強止步)：(謝)「我一個月前連吱牙膏都吱唔到，梳頭都梳唔到，到今日可以完成今次奧運，好多謝所有人嘅幫助…好多謝俊文喺我不能練習都一路做好自己，亦都無怪我受傷、怪我病，多謝佢一路都堅持。」 // (鄧)「雖然最後攞唔到獎牌，正如阿雪所講，我哋真係盡咗最大努力，一分一分咁打返嚟，所以對我哋嚟講都算滿意。」
乒乓混雙組合黃鎮廷／杜凱琹 (「黃杜配」)：「上屆輸完後有陰影，今次我哋賽前亦好緊張、好大壓力，但上到場又可以承受住壓力，（打得）更釋放。」
忽發其想，假使奧運設有「我最欽佩的運動員」獎項，我想我會投給61歲盧森堡乒乓代表倪夏蓮(乒乓女單32強賽事中止步)。縱使最終不敵細她23歲的中國隊孫穎莎，但她在賽後接受訪問時談到：「我覺得，我們不要放棄夢想，我們不要覺得好像老了就不行，我們要做自己喜歡的事情。」做自己愛做的事，享受當下快樂，輸了比賽，卻嬴盡全世界喝采，一個字，Respect!